Është një sistem inteligjent dhe i automatizuar i projektuar për të mbrojtur kulturat bujqësore nga fenomenet atmosferike që shkaktojnë dëme të konsiderueshme ekonomike, si reshjet e dendura, era, ngricat dhe rrezatimi i lartë diellor. Në thelb, sistemi ofron një mekanizëm mbulues mekaniko-elektrik që hapet dhe mbyllet automatikisht kur sensorët meteorologjikë zbulojnë rrezik për kulturën, ose mund të aktivizohet në distancë nga përdoruesi. Qëllimi i tij është të mbrojë prodhimin në kohë reale, të ruajë mikroklimën e bimës dhe të reduktojë ndjeshëm humbjet me të cilat fermerët përballen aktualisht, shpesh me kosto të lartë dhe mjete joefikase.